សាកល​វិទ្យាល័យ​ទាំង​ ១០ ដែល​ល្អ​បំផុត​លើ​ពិភពលោក​ សំរាប់​ ផ្នែក​វិទ្យាសាស្រ្ត​កុំព្យូទ័រ​

កំរិត​សញ្ញាប័ត្រ​ផ្នែក​វិទ្យាសាស្រ្ត​កុំព្យូទ័រ​ ពី​សាកល​វិទ្យាល័យ​អាច​ជួយ​អោយ​និសិត្ស​ជា​ច្រើន​ ចាប់​ផ្តើម​អាជីព​ក្នុង​ក្តី​ស្រមៃ​របស់​ពួក​គេ​ ជាមួយ​នឹង​ ក្រុមហ៊ុន​ដ៏​ល្បី​ដូចជា​ Apple, Google, ហើយ​នឹង​ Facebook -ល​។​

តាម​រយះ​ការ​ស្រាវ​ជ្រាវ​ របស់​ QS World University Rankings 2017 បាន​អោយ​ដឹង​ថា​ កត្តា​កេ្តរ៍​ឈ្មោះ​​សាលា​ក្នុង​ចំណោម​និសិត្ស​ដែល​ចង់​ដាក់​ពាក្យ​រៀន​ និង​ ចំនួន​និសិត្ស ​ដែល​ត្រូវ​បាន​រើស​ចូល​បំរើ​ការងារ​តាម​ស្ថាប័ន​នាៗ​ រួម​ជាមួយ​នឹង​ការ​ស្រាវ​ជ្រាវ​ គឺ​ជា​ផ្នែក​ដែល​ធ្វើ​អោយ​សាកល​វិទ្យាល័យ​ ទាំង​នោះ​ល្អ​ផ្តាច់​គេ​ក្នុង​ជំនាញ​ វិទ្យសាស្រ្ត​កុំព្យូទ័រ​។

១០. National University of Singapore (NUS)

NUS គឺ​ជា​ វិទ្យាស្ថាន​ថ្នាក់​ឧត្តម​ដ៏​ចំណាស់​មួយ​នៅ​ក្នុង​ប្រទេស​សិង្ហបូរី​។ សាលា​នេះ​មាន​សិស្ស​ ប្រហែល​ ៣៥,០០០នាក់​ ហើយ​ចំពោះ​មុខ​ជំនាញ​វិទ្យាសាស្រ្ត​កុំព្យូទ័រ​ និង​ពត៍មាន​វិទ្យា​ទទួល​ បាន​ចំណាត់​ថ្នាក់​លេខ ​១០ ជាមួយ​ QS Ranking បាន​ ៨៤.២

៩. ETH Zurich - Swiss Federal Institute of Technology

គឺ​ជា​សាកល​វិទ្យាល័យ​ដែល​ទទួល​បាន​ពិន្ទុ​ច្រើន​ជាង​គេ ​ក្នុង​ចំណោម​សាកល​វិទ្យាល័យ​ដែល​មិន​ស្ថិត​ក្នុង​ សហរដ្ឋ​អាមេរិក​ និង​ ចក្រភព​អង់គ្លេស​។ Nobel Prizes ចំនួន​ ២១ ត្រូវ​បាន​ផ្តល់​អោយ​សិស្ស​ និង​ សាស្រ្តាចារ្យ​នៅ​ទីនោះ​ ហើយ​ពិន្ទុ​ដែល​ទទួល​បាន​ ក្នុង​ផ្នែក​វិទ្យាសាស្រ្ត​កុំព្យូទ័រ​ និង​ពត៍មាន​វិទ្យា​គឺ​ ៨៥.៤

 

៨. Princeton University

ស្ថិត​នៅ​ក្នុង​រដ្ឋ​ New Jersey សាកល​វិទ្យាល័យ​ស្ថិត​ក្នុង​ Ivy League មួយ​នេះ​ ទទួល​បាន​ពិន្ទុ ​QS Ranking ៨៥.៦ ក្នុង​ផ្នែក​វិទ្យាសាស្រ្ត​កុំព្យូទ័រ​ និង​ពត៍មានវិទ្យា​

៧. University of Oxford

សាកល​វិទ្យាល័យ​ដ៏​ចំណាស់​នេះ​ សាងសង់​ឡើង​នៅ​ឆ្នាំ​ ១៩០៦ ហើយ​ក៏​នៅ​តែ​ជា​សាកល​វិទ្យាល័យ​ឈាន​មុខ​គេ​ដែរ​ ខាង​បច្ចេកវិទ្យា​។ Oxford ទទួល​បាន​ពិន្ទុ ​៨៧.៨

៦.​ Harvard University

គឺ​ជា​សាកល​វិទ្យាល័យ​ដ៏​ល្អ​ដាច់​គេ​លើ​ពិភពលោក​ ប៉ុន្តែ​មិនមែន​ផ្នែក​វិទ្យាសាស្រ្ត​កុំព្យូទ័រ​និង​ពត៍មាន​វិទ្យា​ទេ​។ វា​ជា​សាកល​វិទ្យាល័យ​ដែល​លោក​ Mark Zuckerberg ប្រធាន​ក្រុមហ៊ុន​ Facebook រៀន​។​ វា​ទទួល​បាន​ពិន្ទុ ​៨៨.៤

៥.​ University of Cambridge

សាកល​វិទ្យាល័យ​ Cambridge គឺ​ជា​សាកល​វិទ្យាល័យ​បច្ចេក​វិទ្យា​មួយ​ ដ៏​ធំ​នៅ​ចក្រភព​អង់គ្លេស​ ដែល​ជា​ផ្នែក​មួយ​ជួយ​អោយ​សាកល​វិទ្យាល័យ​នេះ​លេច​ធ្លោ​ជា​ខ្លាំង​ ក្នុង​ចំណោម​សាកល​វិទ្យាល័យ​ លើ​ពិភពលោក​។ ក្នុង​ផ្នែក​វិទ្យាសាស្រ្ត​កុំព្យូទ័រ​ និង​ពត៍មានវិទ្យា ​សាកល​វិទ្យាល័យ​នេះ​ទទួល​បាន​ ៨៨.៩ ពិន្ទុ​

 

៤. University of California, Berkeley (UCB)

ស្ថិត​នៅ​លើ​ទឹក​ដី​ដ៏​ស្រស់​ស្អាត​នៃ​រដ្ឋ​ California សាកល​វិទ្យាល័យ​នេះ​ទទួល​បាន​ពិន្ទុ​ ៨៩.៩

 

៣. Carnegie Mellon University

ជា​សាកល​វិទ្យាល័យ​ឯកជន​ស្ថិត​ក្នុង​ទឹកដី​ Pittsburgh, Pennsylvania វា​មិន​សូវ​មាន​កេរ្ត៍​ឈ្មោះ​ ល្បី​ដូច​សាកល​វិទ្យាល័យ​អន្តរជាតិ​ដូចជា​ Harvard រឺ​ក៏​ Standford ក៏​ពិត​មែន​ តែ​ផ្នែក​វិទ្យាសាស្រ្ត​កុំព្យូទ័រ​ និង​ពត៍មាន​វិទ្យា​ គឺ​ត្រូវ​បាន​គេ​ទទួល​ស្គាល់​ជា​ខ្លាំង​ ដែល​ទទួល​បាន​ទៅ​ដល់​ ៩១.៩

២. Standford University

Standford University មាន​ភាព​ល្បី​ឈ្មោះ​ជា​ខ្លាំង​ក្នុង​ការ​បណ្តុះ​បណ្តាល​ធនធាន​មនុស្ស​សំរាប់​ ក្រុមហ៊ុន​បច្ចេកវិទ្យា​ធំៗ​ ដូចជា​ Google, HP, Instagram, និង​ Snapchat។ សាកល​វិទ្យាល័យ​នេះ​ទទួល​បាន​ពិន្ទុ ​៩៣.៦

១. Massachusetts Institute of Technology (MIT)

វា​មិនមែន​ជា​ការ​ភ្ញាក់​ផ្អើល​អ្វី​នោះ​ទេ​ ដែល​សាកល​វិទ្យាល័យ​ដ៏​ល្បី​ល្បាញ​មួយ​នេះ​ ទទួល​បាន​ពិន្ទុ ​៩៤​ ក្នុង​ផ្នែក​វិទ្យាសាស្រ្ត​កុំព្យូទ័រ​ និង​ពត៍មានវិទ្យា​។​ តាម​ការ​ស្រាវ​ជ្រាវ​បាន​អោយ​ដឹង​ថា​ អ្នក​ដែល​បញ្ចប់​ការ​សិក្សា​នៅ​ទីនោះ​ បង្កើត​ក្រុមហ៊ុន​សរុប​ដល់ទៅ​ ២៥,៨០០ ហើយ​បុគ្គលិក​ជាង​ ៣​លាន​នាក់​កំពុង​បំរើ​ការងារ​នៅ Silicon Valley

ដក​ស្រង់​ពី​ BUSINESS INSIDER