វិធីទាំង 5 ក្នុងការផ្តល់យោបល់ប្រតិកម្មដើម្បីជម្រុញឱ្យមនុស្សដុះលូតលាស់មិនធ្លាក់ចុះ

នៅក្នុងអាជីវកម្មល្អបំផុតមួយ អ្នកគ្រប់គ្នាដឹងកន្លែងដែលពួកគេឈរ។ ការក្តោបក្តាប់លើបុគ្គលណាម្នាក់ គឺមានភាពតឹងរ៉ឹងរវាងការអនុវត្តរបស់ពួកគាត់ និងស្តង់ដារដែលថ្នាក់ដឹកនាំរំពឹងទុក។ វាមិនមែនជារឿងផ្ទាល់អំពីអ្នកនិងបុគ្គលនោះទេ។ ក្នុងនាមជាម្ចាស់អាជីវកម្មវាជាការទទួលខុសត្រូវរបស់អ្នកដើម្បីឱ្យក្រុមរបស់អ្នកឈានដល់ចំណុចកំពូលក្នុងការងាររបស់គាត់។ ការផ្តល់មតិយោបល់ គឺមានភាពពិបាកខ្លាំងណាស់បើសិនជាអ្នកមិនធ្លាប់ប្រើវា។ ហើយការធ្វើវាតំរូវអោយអ្នកមានភាពក្លាហាន និងការប្រើកម្រិតនៃការប្រើវិធីសាស្ត្រមានលក្ខណៈល្អ។ វាគ្មានប្រយោជន៍អ្វីនោះទេបើគ្រាន់តែផ្តល់មតិយោបល់ដើម្បីអោយបានៗដោយមិនគិតពីផលប៉ះពាល់របស់វា។ យ៉ាងណាមិញមូលហេតុដែលអ្នកផ្ដល់មតិយោបល់គឺដើម្បីជម្រុញឱ្យនរណាម្នាក់រីកចម្រើន។

ខាងក្រោមនេះគឺជាវិធីទាំងប្រាំដើម្បីផ្តល់មតិយោបល់ក្នុងផ្លូវមួយដែលនឹងជម្រុញឱ្យមនុស្សរបស់អ្នកមានការរីកចំរើនជំនួសឱ្យការធ្វើឱ្យពួកគេមានការធ្លាក់ចុះមកពីការភ័យខ្លាចនិងភាពអាម៉ាស់៖

១. ផ្ដោតទៅលើដៃគូ

ដើម្បីចាប់ផ្តើមទំលាប់ក្នុងការផ្តល់មតិ អ្នកត្រូវផ្តោតលើដៃគូនិងរបៀបដែលអ្នកអាចជួយគាត់បាន។
ជារឿយៗអ្វីដែលរារាំងយើងពីការផ្តល់មតិប្រកបដោយប្រសិទ្ធភាពគឺចំណាយពេលច្រើនពេកក្នុងការគិតអំពីខ្លួនយើង និងគិតតែពីអារម្មណ៍របស់យើង។ ខ្ញុំមិនដឹងថាត្រូវនិយាយអ្វីទេ ឬខ្ញុំមិនដឹងថាតើខ្ញុំនឹងត្រូវនិយាយអ្វីក្នុងការសន្ទនានេះយ៉ាងដូចម្តេច។ ការផ្តោតអារម្មណ៍លើតែខ្លួនឯងបែបនេះរារាំងយើងពីការយល់នៃស្ថានភាពរបស់ដៃគូរបស់យើង និងអារម្មណ៍របស់ពួកគេរួមទាំងអ្វីដែលពួកគេចង់ស្តាប់នូវអ្វីដែលយើងចង់និយាយផងដែរ។ នៅពេលដែលអ្នកអាចផ្តល់យោបល់ដោយគិតអំពីដៃគូរបស់អ្នកដោយមិនផ្តោតលើអ្នកដែលផ្តល់អោយទេ អ្នកចាប់ផ្តើមយល់ដឹងពីរបៀបរៀបចំសាររបស់អ្នកតាមរបៀបដែលអាចបំផុសគំនិតប្រសើរៗទៅកាន់អ្នកទទួលរបស់អ្នក។ ដូច្នេះជាជាងចាប់ផ្តើមប្រយោគមួយជាមួយនឹងពាក្យថា "ខ្ញុំសូមប្រាប់អ្នកថាហេតុអ្វីបានជាអ្នកធ្វើខុស" ។
អ្នកអាចនិយាយដូច្នេះវិញថា "ហេ!!ចូរយើងពិភាក្សាអំពីអ្វីដែលកើតមាន" ដែលនឹងនាំឱ្យមានការសន្ទនាកាន់តែមានប្រសិទ្ធភាព។

២. និយាយជាមួយពួកគេដោយលក្ខណៈឯកជន

គំនិតដ៏ល្អមួយទៀត គឺអ្នកត្រូវឆ្លាតវៃអំពីការជ្រើសរើសទីកន្លែងរបស់អ្នក ដោយត្រូវប្រាកដថាអ្នកកំពុងសន្ទនាក្នុងលក្ខណៈឯកជន។ អ្នកប្រាកដជាមិនចង់ធ្វើអោយនរណាម្នាក់អាម៉ាស់ទេ ដែលដែលអាចមានឥទ្ធិពលអវិជ្ជមាន និងមានផលអាក្រក់យូរអង្វែងដល់ទំនាក់ទំនងរបស់អ្នក។ អ្នកដឹកនាំគឺជាអ្នកដែលមានឥទ្ធិពលលើលទ្ធផលនិងការបំផុសគំនិតដល់អ្នកដទៃ។ ដើម្បីបំផុសគំនិតអ្នកត្រូវតែផ្តល់នូវមតិយោបល់ដែលមិនធ្វើឱ្យមនុស្សធុញទ្រាន់ និងលិចលង់ប៉ុន្តែជំរុញឱ្យពួកគេរីកចម្រើន។

៣. សួរពួកគេថាតើអាចបើកមតិយោបល់ដែរឬទេ

ជំហានបន្ទាប់ គឺត្រូវសួរបុគ្គលនោះថាតើគាត់បើកទូលាយក្នុងការទទួលយកមតិយោបល់ដែរឫទេ ពេលខ្លះការសន្ទនាអាចចាប់ផ្តើមយ៉ាងសាមញ្ញដូចជា "ហេ!!ខ្ញុំបានសង្កេតឃើញអ្វីមួយដែលអ្នកអាចមានតម្លៃចំពោះអ្នក។ តើអ្នកបើកចំហរដើម្បីស្តាប់វាទេ? " ប្រសិនបើអ្នកផ្ដល់មតិយោបល់ដូចជារបាយការណ៍ណាមួយរបស់អ្នក អ្នកមិនត្រូវការប្រភេទនៃការអនុញ្ញាតបែបនេះទេ។ តួនាទីរបស់អ្នកជាអ្នកគ្រប់គ្រងគឺដើម្បីផ្តល់មតិយោបល់ធ្វើឱ្យសមត្ថភាពរបស់សមាជិកក្រុមរបស់អ្នកប្រសើរឡើង ប៉ុន្តែវាជាវិធីមួយដែលមានប្រយោជន៍និងមិនគំរាមកំហែងដើម្បីចាប់ផ្តើមការសន្ទនា។

៤. ផ្តោតលើអ្វីដែលអ្នកបានកត់សម្គាល់

នៅពេលអ្នកផ្ដល់មតិយោបល់របស់អ្នក ចូរផ្តោតលើអ្វីដែលអ្នកបានសង្កេតហើយនិងផលប៉ះពាល់របស់វា។ វាពិបាកសម្រាប់ដៃគូររបស់អ្នកក្នុងការការពារខ្លួននៅពេលដែលអ្នកនិយាយពីទស្សនៈរបស់អ្នក។ យើងទាំងអស់គ្នាជាមនុស្សដែលរំឭកយើងជានិច្ចឱ្យការពារខ្លួនយើងនៅគ្រប់ពេលវេលានិងគ្រប់ទីកន្លែងទាំងអស់។ ដូច្នេះត្រូវប្រយ័ត្នក្នុងការនិយាយស្តីរបស់អ្នក ព្រោះអ្នកនិងដៃគូរបស់អ្នកសុទ្ធតែជាមនុស្សដូចគ្នា។ វាជាការប្រសើរក្នុងការបញ្ចប់ការសន្ទនាជាមួយ "សូមគិតពិចារណាពីអ្វីដែលខ្ញុំបានផ្តល់។ " រឿងចុងក្រោយដែលអ្នកចង់បានគឺនៅពេលដែលអ្នកទទួលបានការផ្តល់យោបល់ណាមួយលើអ្នកក្នុងកំឡុងពេលសន្ទនានេះ សូមនិយាយពាក្យថា "អរគុណ"។

៥. ផ្តល់យោបល់អំពីរបៀបដែលពួកគេអាចកែលម្អ

វាគ្មានអ្វីដែលរំខានជាងការដែលមាននរណាម្នាក់លើកឡើងពីបញ្ហាមួយដោយមិនបានផ្តល់គំនិតណាមួយអំពីរបៀបដោះស្រាយវាទេ។ អ្នកត្រូវតែជាអ្នកចូលរួមដោះស្រាយបញ្ហា មិនមែនគ្រាន់តែជាអ្នកលើកយកបញ្ហាមកនោះទេ។

ចំនុចសំខាន់គឺថាវាមានសារៈសំខាន់ក្នុងការស្ថាបនាទំលាប់ផ្តល់មតិយោបល់។ ធ្វើវាម្តងហើយម្តងទៀត, និងបន្តធ្វើវាទៀត ហើយបើកទូលាយខ្លួនអ្នកអោយគេរិះគន់ផងដែរមិនមែនចេះតែផ្តល់មតិអោយគេនោះទេ។

ដកស្រង់ពី Entrepreneur អត្ថបទ សេដ្ឋា

Business & Technology Tip Talk

Search This Blog