យោងតាមការប្រកាសរបស់
IBM
កាលពីពេលថ្មីៗនេះ ក្រុមហ៊ុននិងប្រជាជន នឹងបន្តនិន្នាការកាត់បន្ថយតម្រូវការរបស់ពួកគេដែលពឹងផ្អែកលើ Hardware និងហេដ្ឋារចនាសម្ព័ន្ធដែលមានតម្លៃខ្ពស់ មកប្រើប្រាស់ឯកសារនិងកម្មវិធីនៅក្នុង Cloud វិញ។ ដោយសារអ្នកផ្តល់សេវា
Cloud Storage
ជាច្រើន អ្នកត្រូវតែយកចិត្តទុកដាក់ក្នុងការជ្រើសរើសក្រុមហ៊ុនផ្តល់សេវាកម្មដែលផ្តល់ជូននូវអត្ថប្រយោជន៍ក្នុងការរក្សាទុក និងការចំណាយទាបហើយអាចរក្សាទិន្នន័យរបស់អ្នកឱ្យមានសុវត្ថិភាពបានល្អ។
បញ្ជីនេះបង្ហាញពីជម្រើសល្អទាំង 10 របស់អ្នកសម្រាប់ការផ្ទុកលើ Cloud Storage៖
១. Dropbox
Dropbox
ផ្តល់នូវទំហំផ្ទុក 2GB
ដែលអាចផ្ទុកបានដោយឥតគិតថ្លៃហើយវាអាចបង្កើនរហូតដល់ទៅ 16GB
ដោយឥតគិតថ្លៃដោយភ្ជាប់ Dropbox
របស់អ្នកទៅប្រព័ន្ធផ្សព្វផ្សាយសង្គមនិងណែនាំទៅកាន់មិត្តភក្តិអ្នកដើម្បីចូលរួមសេវាកម្មដែរ។ ការទិញបង់ជាប្រចាំ
Dropbox Business
អនុញ្ញាតឱ្យអ្នកប្រើ សហការគ្នាបានលើការងារក៏ដូចជាផ្តល់នូវទំហំគ្មានដែនកំណត់ក្នុងគណនី
Dropbox ផ្ទាល់ខ្លួន។ វាក៏មានលក្ខណៈពិសេសសម្រាប់ការសង្គ្រោះឯកសារ និងការបង្កើតកំណែថ្មីផងដែរ។ តម្លៃរបស់វាចាប់ផ្តើមពី 12,50 ដុល្លារក្នុងអ្នកប្រើប្រាស់ម្នាក់ (ប្រហែល 10 ផោននិង 17 ដុល្លារអូស្រ្តាលី) ។
តម្លៃ៖ 2 GB ឥតគិតថ្លៃ។ 1TB ក្នុងតម្លៃ 9,99 ដុល្លារក្នុងមួយខែ (ប្រហែល 8 ផោននិង 13 ដុល្លារអូស្រ្តាលី) ជាមួយ Dropbox Pro។
២. Google Drive
Google Driveគឺជាជម្រើសដើមសម្រាប់ម្ចាស់ឧបករណ៍ Android ដែលវាត្រូវបានដាក់បញ្ចូលរួចជាស្រេច ប៉ុន្តែអ្នកប្រើឧបករណ៍ផ្សេងទៀត អាចនឹងពេញចិត្តចំពោះការផ្ទុកដោយឥតគិតថ្លៃនេះផងដែរ។ អ្នកក៏អាចផ្ទុករូបថតដែលមានគុណភាពខ្ពស់នៅលើទូរស័ព្ទដៃរបស់អ្នកជាមួយកម្មវិធីដៃគូ
Google Photos ផងដែរ។
តម្លៃ៖ 15 GB ឥតគិតថ្លៃ។ 100GB សម្រាប់ 1,99 ដុល្លារក្នុងមួយខែ (ប្រហែល 1,50 ផោននិង 2,50 ដុល្លារអូស្រ្តាលី) ។ 1TB ក្នុងតម្លៃ 9,99 ដុល្លារក្នុងមួយខែ (ប្រហែល 8 ផោននិង 13 ដុល្លារអូស្រ្តាលី) ។
៣. Mega
ជាមួយនឹងភាពមិនគិតថ្លៃដ៏សប្បុរស និងចំណុចប្រទាក់អូសនិងទម្លាក់ដ៏សាមញ្ញ Mega គឺជាផ្នែកមួយនៃការផ្ទុកធំៗនៅលើ Cloud។ វាមានកម្មវិធីក្នុងទូរស័ព្ទដែលផ្តល់ភាពងាយស្រួលដើម្បីអនុញ្ញាតឱ្យអ្នកផ្ទុករក្សាឯកសារ និងរូបថតព្រមទាំងធ្វើការ Sync រវាងម៉ាស៊ីនកុំព្យូទ័រដែរ។ Mega អះអាងថាទិន្នន័យទាំងអស់ដែលរក្សាទុកក្នុង Cloud របស់វាត្រូវបានដាក់លេខកូដសំងាត់សិនមុនពេលវាបញ្ជូនមកម៉ាស៊ីនមេរបស់ក្រុមហ៊ុន។
តម្លៃ៖ 50 GB ឥតគិតថ្លៃ។ 200 GB ក្នុងតម្លៃ 4,99 អឺរ៉ូក្នុងមួយខែ (ប្រហែល 4 ផោន 5 ដុល្លារអាមេរិក 7 ដុល្លារអូស្រ្តាលី)។
៤. OneDrive
OneDrive (អតីត SkyDrive) ត្រូវបានដាក់បញ្ចូលទៅក្នុង Windows 10's file explorer ។ អ្នកមិនចាំបាច់ទាញយកកម្មវិធីទេ វាមាននៅទីនោះស្រេចតាំងពីដើម ដែលវាមានភាពងាយស្រួលសម្រាប់អ្នកដែលប្រើប្រាស់ប្រព័ន្ធប្រតិបត្តិការថ្មីបំផុតនេះរបស់ Microsoft ។ កម្មវិធី Photos របស់ Microsoft ក៏អាចប្រើ OneDrive ដើម្បីធ្វើការ Sync រូបភាពនៅគ្រប់ឧបករណ៍របស់អ្នកបានផងដែរ។ វាក៏មានកម្មវិធីសម្រាប់ឧបករណ៍ដំណើរការដោយប្រព័ន្ធ
Android និង iOS ដែរហើយវាក៏មាននៅក្នុង App Store សម្រាប់អ្នកប្រើ Mac
របស់ក្រុមហ៊ុន Apple ដែរ។
ដកស្រង់ពី techradar អត្ថបទ សេដ្ឋា
តម្លៃ 5GB ឥតគិតថ្លៃ។ 50 GB សម្រាប់តម្លៃ 1,99 ដុល្លារក្នុងមួយខែ (ប្រហែល 1,50 ផោន 2,50 ដុល្លារអូស្រ្តាលី)
៥. iCloud
ប្រសិនបើអ្នក Backup ទូរស័ព្ទ iPhone របស់អ្នកទៅក្នុង iCloud អ្នកនឹងត្រូវការច្រើនជាង 5GB ដែលផ្តល់ដោយឥតគិតថ្លៃដែល Apple ផ្តល់ឱ្យអ្នក។ ប៉ុន្តែបើប្រៀបធៀបទៅនឹងគូប្រជែង iCloud គឺមានតម្លៃសមរម្យទទួលយកបាន។តម្លៃ 5GB ឥតគិតថ្លៃ។ 50 GB សម្រាប់តម្លៃ 0,99 ដុល្លារក្នុងមួយខែ (ប្រហែល 0,80 ផោននិង 1,30 ដុល្លារអូស្រ្តាលី) ។ 200 GB ក្នុងតម្លៃ 2,99 ដុល្លា (ប្រហែល 2,50 ដុល្លាអាមេរិច 4 ដុល្លាអូស្រ្តាលី)
៦. Box
គេហទំព័ររបស់ Box បច្ចុប្បន្នហាក់ដូចជាកំពុងជំរុញគម្រោងអាជីវកម្មរបស់ខ្លួន ដែលអតិថិជនអាចជាវជាប្រចាំដែលមានតម្លៃ 15 ដុល្លារសម្រាប់អ្នកប្រើម្នាក់ (ប្រហែល 12 ផោននិង 20 ដុល្លារអូស្រ្តាលី)អ្នកអាចទទួលបានអត្ថប្រយោជន៍ពីជម្រើសធំបំផុត កម្រិតខ្ពស់និងការផ្ទុកគ្មានដែនកំណត់។ វាត្រូវបានគាំទ្រដោយកម្មវិធីសំខាន់ៗមួយចំនួនដូចជា Google Docs និង Office 365 ។ កម្មវិធី Box Sync អាចរកបានពីទំព័រទាញយកសម្រាប់ Mac និង Windows ហើយវាក៏មានកម្មវិធីជាផ្លូវការសំរាប់ Android ផងដែរ។តម្លៃ: 10 GB ឥតគិតថ្លៃ។ 100 GB ក្នុងតម្លៃ $10 ក្នុងមួយខែ (ប្រហែល 8 ផោននិង 13 ដុល្លារអូស្រ្តាលី)
៧. NextCloud
NextCloud មិនមែនជាអ្នកផ្គត់ផ្គង់ cloud storage អនឡាញនោះទេ ប៉ុន្តែផ្តល់ជូននូវកម្មវិធីឥតគិតថ្លៃដើម្បីទាញយក និងដំឡើងសេវាកម្មផ្ទុក Cloud Storage នៅលើម៉ាស៊ីនផ្ទាល់ខ្លួនរបស់អ្នកបាន។ ការប្រើម៉ាស៊ីនមេនៅលើបណ្តាញផ្ទះរបស់អ្នកសម្រាប់ការផ្ទុកក្នុង Cloud គឺលឿនជាងមុន។ អ្នកក៏អាចបើក Encryption និងធ្វើឱ្ប្រាកដថាព័ត៌មានមិនចេញពីបណ្តាញផ្ទះរបស់អ្នកដែលមានសុវត្ថិភាពជាងមុន។តម្លៃ: ឥតគិតថ្លៃដើម្បីតំឡើងនិងប្រើប្រាស់។ NextCloud Box គឺមានតំលៃ 79,99 ដុល្លារ (ប្រហែល 65 ផោននិង 105 ដុល្លារអូស្ត្រាលី)
៨. SpiderOak
គេហទំព័រអះអាងថាបន្ទាប់ពីតំឡើងកម្មវិធីហើយ ទិន្នន័យរបស់អ្នកត្រូវបាន Encrypt មុនពេលធ្វើការ Sync។ កម្មវិធី SpiderOakOne អាចរកបានសម្រាប់ Windows, Mac និង Linux ក៏ដូចជា Android និង iOS ។តម្លៃ: 2 GB ឥតគិតថ្លៃ។ 250 GB ក្នុងតម្លៃ 9 ដុល្លារក្នុងមួយខែ (ប្រហែល 7 លានផោននិង 12 ដុល្លារអូស្រ្តាលី) ។ 1TB ក្នុងតម្លៃ 12 ដុល្លារក្នុងមួយខែ (ប្រហែល 10 ផោននិង 16 ដុល្លារអូស្រ្តាលី)
៩. IDrive
IDrive ផ្តល់ជូននូវ IDrive Express ដែលជាសេវាកម្មមួយនៅពេលអ្នកបាត់ទិន្នន័យរបស់អ្នកទាំងអស់នោះពួកគេនឹងដឹកជូន Hard Drive ទៅឱ្យអ្នកតែម្តងដែលអនុញ្ញាតឱ្យអ្នកអាចធ្វើការស្តារឡើងវិញនូវឯកសារដែលបាន Backup ទុករបស់អ្នកទាំងអស់។តម្លៃ 5GB ឥតគិតថ្លៃ។ 1TB សម្រាប់ 52 ដុល្លារក្នុងមួយឆ្នាំ (ប្រហែល 40 ផោននិង 70 ដុល្លារអូស្រ្តាលី)
១០. pCloud
ខណៈពេលដែលមានការកម្រិតនៃការបញ្ជូនទិន្នន័យត្រូវបានអនុវត្តក្នុងកម្មវិធីផ្សេង វាហាក់ដូចជាគ្មានការកំណត់ទំហំនៃឯកសារដែលអ្នកចង់ផ្ទុកនោះទេចំពោះ pCloud ដូច្នេះសូមកុំស្ទាក់ស្ទើរក្នុងការធ្វើការ Sync ឯកសារដែលមានទំហំធំដោយប្រើ pCloud ។ សេវាកម្មនេះអាចរកបានសម្រាប់គ្រប់កុំព្យូទ័រលើតុ និងទូរសព្ទ័ចល័ត - អ្នកប្រើក៏អាចចូលតាមគេហទំព័រផងដែរ។តម្លៃ: 20 GB ឥតគិតថ្លៃ។ 500 GB ក្នុងតម្លៃ 4,99 ដុល្លារក្នុងមួយខែ (ប្រហែល 4 ផោននិង 6,50 ដុល្លារអូស្រ្តាលី) ។ 2TB សម្រាប់ $ 9,99 ក្នុងមួយខែ (ប្រហែល 8 ផោននិង 13 ដុល្លារអូស្រ្តាលី)
ដកស្រង់ពី techradar អត្ថបទ សេដ្ឋា
Comments
Post a Comment