ហ្វេសប៊ុកផ្តល់ឪកាសគ្មានព្រំដែនសម្រាប់អ្នកបោកប្រាស់ជាច្រើនប្រភេទ ហើយវាសំខាន់ណាស់ដែលយើងរៀនពីរបៀបរក្សាព័ត៌មានដែលយើងបានបង្ហោះនៅលើហ្វេសប៊ុកអោយមានសុវត្ថិភាពនិងចេញពីមនុស្សដែលចង់កេងប្រវ័ញ្ចយើង។
វាមានភាពខុសគ្នាច្រើនអំពីអ្វីដែលអ្នកត្រូវធ្វើ និងមិនត្រូវធ្វើ នៅពេលដែលអ្នកចង់រក្សាព័ត៌មានដែលអ្នកបានបង្ហោះក្នុងហ្វេសប៊ុកអោយមានសុវត្ថិភាព ហើយយើងនឹងពន្យល់ពីវិធីដ៏សំខាន់បំផុតប្រាំនៅទីនេះ។
១. បង្ហោះព័ត៌មានទៅមិត្តរបស់អ្នកប៉ុណ្ណោះ
ដោយសារមានព័ត៌មានផ្ទាល់ខ្លួនរបស់យើងច្រើនណាស់នៅលើអ៊ិនធឺណិត វាជាការចាំបាច់ដែលយើងត្រូវគ្រប់គ្រងលើថាតើអ្នកណាដែលអាចមើលវាបាន។ ឧទាហរណ៍អ្នកបោកប្រាស់អាចយកព័ត៌មានរបស់អ្នក ហើយធ្វើពុតជាអ្នកទៅធ្វើការឆបោកមិត្តរបស់អ្នកតាមអ៊ិនធឺរណែត។
អ្នកត្រូវប្រាកដថាការកំណត់ភាពជាឯកជនរបស់អ្នក (Privacy Setting) កំណត់តែជាមិត្តអ្នកប៉ុណ្ណោះ។ នេះមានន័យថាមានតែមនុស្សដែលអ្នកទទួលធ្វើ Friend នៅលើហ្វេសប៊ុកប៉ុណ្ណោះទើបអាចមើលឃើញនូវអ្វីដែលអ្នក Post។
២. បញ្ឈប់ជនចម្លែកពីការស្វែងរកអ្នកលើបណ្តាញ
ហ្វេសប៊ុកអនុញ្ញាតឱ្យមនុស្សដ៏ទៃស្វែងរកអ្នកដោយប្រើអាសយដ្ឋានអ៊ីម៉ែលឬលេខទូរស័ព្ទរបស់អ្នក ដែលអ្នកបានផ្តល់ឱ្យពួកគេនៅពេលអ្នកចុះឈ្មោះ។ នេះមានន័យថាប្រសិនបើអ្នកណាម្នាក់បញ្ចូលលេខទូរស័ព្ទ ឬអាស័យដ្ឋានអ៊ីម៉ែលរបស់អ្នកនៅក្នុងរបារស្វែងរកនៅលើហ្វេសប៊ុកនោះហ្វេសប៊ុកនឹងផ្តល់ព៌តមាន Profile របស់អ្នកអោយគេវិញ។
នេះអាចជាការរំខានមួយដោយសារវាអាចអនុញ្ញាតឱ្យអ្នកទីផ្សារ ឬឧក្រិដ្ឋជនភ្ជាប់ឈ្មោះរបស់អ្នកជាមួយអ៊ីម៉ែលឬលេខទូរស័ព្ទរបស់អ្នកបាន។ យើងសូមណែនាំអ្នកថាអនុញ្ញាតឱ្យតែមិត្តភក្តិអ្នកមើលនិងប្រើព័ត៌មាននេះបានហើយ ព្រោះអ្នកមានលទ្ធភាពកំណត់បាន។
៣. លាក់បញ្ជីមិត្តភក្តិរបស់អ្នក
មានហ្វេសប៊ុកឆបោកដែលពឹងផ្អែកលើនរណាម្នាក់ដើម្បីមើលថាតើអ្នកណាជាមិត្តភក្តិអ្នកនៅលើហ្វេសប៊ុក។ ដូច្នេះត្រូវលាក់បញ្ជីមិត្តភក្ដិទាំងនោះហើយអ្នកដែលចង់បោកប្រាស់នឹងមិនដឹងថាអ្នកណាជាមិត្ដជាមួយអ្នកទេ!
៤. បញ្ឈប់កម្មវិធី Facebook (Facebook App) ពីការយកព័ត៌មានរបស់អ្នក
ទោះបីជាគណនីរបស់អ្នកត្រូវបានចាក់សោរមានសុវត្តិភាពក៏ដោយ មិត្តរបស់អ្នកដែលប្រើកម្មវិធីហ្វេសប៊ុក នៅតែអាចឃើញព័ត៌មានរបស់អ្នកដដែល។ ដូច្នេះត្រូវចាកចេញឫលាក់ព៌តមានពីកម្មវិធីទាំងនោះចេញ។
៥. ដឹងពីអ្វីដែលត្រូវបង្ហោះ និងអ្វីដែលមិនត្រូវបង្ហោះលើហ្វេសប៊ុក
ចូរស្រមៃថាហ្វេសប៊ុកគឺជាមជ្ឈមណ្ឌលនៅក្នុងទីក្រុងដែលពោរពេញទៅដោយមនុស្សចម្លែក។ តើព័ត៌មានអ្វីដែលអ្នកសរសេរនៅលើបដាធំមួយហើយកាន់វាសម្រាប់អ្នករាល់គ្នាមើលឃើញ។ចំណុចដែលយើងចង់ប្រាប់អ្នក គឺថាភាពឯកជនរបស់យើងគឺមានកម្រិតទាបខ្លាំងលើអ៊ីនធើណេត។ យើងហាក់ដូចជាមានការចែករំលែករឿងផ្ទាល់ខ្លួនពិតៗច្រើននៅពេលយើងអង្គុយនៅពីមុនក្តារចុច បើប្រៀបធៀបនៅពេលដែលយើងនៅជុំវិញមនុស្សនៅខាងក្រៅ។ ឧក្រិដ្ឋជនតាមអនឡាញនិងខាងក្រៅ (Offline) គឺប្រើព័ត៌មានដែលពួកគេរកឃើញពីអ្នកតាមរបៀបតែមួយដើម្បីបោកប្រាស់អ្នក។ ដូច្នេះវាជាការសំខាន់ដែលអ្នកត្រូវរៀនអំពីព័ត៌មានអ្វីដែលអ្នកគួរនិងមិនគួរបង្ហោះលើអ៊ីនធឺណិត ទោះជាអ្នកកំណត់ភាពឯកជនរបស់អ្នកបានល្អប៉ុណ្ណាក៏ដោយ។
អត្ថបទ សេដ្ឋា
Biz Tech Tip Talk
Comments
Post a Comment