រឿងមួយដែល ពិបាកបំផុតក្នុងនាមជា Freelancer គឺការផ្តោតអារម្មណ៍លើការងារ។
ពេលដែលអ្នកធ្វើការនៅផ្ទះ Office របស់អ្នកអាចនៅគ្រប់ទីកន្លែង
ហើយរបស់រំខានអារម្មណ៍ជុំវិញខ្លួន។
វាពិតជាមានសារសំខាន់ណាស់ក្នុងការផ្តោតអារម្មណ៍ការងារ។
ខាងក្រោមគឺជា Tips ដែលអាចជួយអ្នកបានក្នុងការសន្សំពេលវេលា និងមានប្រសិទ្ធភាព៖
១. ធ្វើការក្នុងម៉ោងដែលមានប្រសិទ្ធភាពការងារ
វិធីដ៏ល្អបំផុតក្នុងការធ្វើការងារពីផ្ទះ គឺធ្វើការក្នុងម៉ោងដែលមានប្រសិទ្ធភាពការងារ។ប្រសិនបើអ្នកអាចគូសចំណាំម៉ោង ដែលអ្នកអាចបញ្ចប់ការងារបានលឿនហើយមានប្រសិទ្ធភាព ដូច្នេះអ្នកអាចធ្វើការបានច្រើនក្នុងរយៈពេលខ្លី ហើយវានឹងងាយស្រួលក្នុងការផ្តោតអារម្មណ៍។
ចូរផ្តោតសំខាន់លើទំលាប់ប្រចាំថ្ងៃរបស់អ្នក នោះអ្នកនឹងអាចដឹងពីម៉ោងដែលមានប្រសិទ្ធភាពដល់ការងារអ្នក។
២. តុបតែងរៀបចំកន្លែងដែលអ្នកធ្វើការ
ការតុបតែងរៀបចំកន្លែងដែលអ្នកធ្វើការ គឺពាក់ព័ន្ធនឹងភាពរំខាន។
វាកើតមានច្រើនណាស់នៅពេលដែលអ្នកមិនអាចផ្តោតចិត្តកាយទៅលើការងាររបស់អ្នក
ដោយសារតែកន្លែងដែលអ្នកធ្វើការ។
អ្នកគួររៀបចំកន្លែងធ្វើការរបស់អ្នកអោយដាច់ចេញពីកន្លែងមើលទូរទស្សន៍
កន្លែងទទួលភ្ញៀវ ដើម្បីអោយពេលដែលអ្នកចូលទៅ គឺមានអារម្មណ៍ចង់ធ្វើការតែម្តង។
៣. ប្រសិនបើចាំបាច់អ្នកត្រូវឈប់សំរាកខ្លះ (Take Break)
គំនិតដែលអោយឈប់សំរាកខ្លះ នៅពេលដែលអ្នកធ្វើការមកពីផ្ទះដូចជាចំលែក
ប៉ុន្តែវាពិតជាជួយ។ ជំនួសអោយការធ្វើការងាររហូតជាប់ ដោយមិនបានឈប់
ចូរឈប់សំរាកដើម្បីកុំអោយរំខានដល់សតិអារម្មណ៍។
ការឈប់សំរាករបស់អ្នក គឺចាំបាច់ត្រូវជាការឈប់សំរាកមួយដែលត្រឹមត្រូវដូចជា ដើរលំហែ
ផ្ចង់ស្មារតី។ ពេលដែលអ្នកចង់ញាុំអាហារត្រូវញាុំនៅផ្ទះបាយ
ដោយចេញអោយឆ្ងាយពីកៅអីការងាររបស់អ្នក។
៤. តាមដានពេលវេលា
តើអ្នកដឹងថាអ្នកប្រើប្រាស់ពេលវេលាយ៉ាងដូចម្តេច? ពេលដែលអ្នកធ្វើការងារនៅផ្ទះ អ្នកពិបាកបែងចែកថា ពេលណាជាពេលអ្នកធ្វើការងារ និងពេលណាជាពេលដែលមិនមានប្រសិទ្ធភាព។ អ្វីដែលធ្វើល្អបំផុត គឺតាមដានពេលវេលារបស់អ្នកក្នុងរយៈពេល ១ សប្តាហ៍។
អ្នកក៏អាចប្រើប្រាស់ Tool មួយចំនួន ដូចជា RescueTime, Pomodoro Technique ដើម្បីជួយអ្នកអោយតាមដានពេលវេលា និងជួយក្នុងការផ្តោតអារម្មណ៍បានល្អក្នុងរយៈពេលមួយ។
៥. ស្លៀកពាក់ខោអាវធ្វើការ
វាជាការពិត អ្នកនឹងស្លៀកសំលៀកបំពាក់សាមញ្ញ នៅពេលអ្នកនៅផ្ទះ។
ប៉ុន្តែវាមិនប្រាកដថាស្លៀកពាក់បែបនេះជួយអោយអ្នកស្រួលក្នុងការធ្វើការងារនោះទេ។
ប្រសិនបើអ្នកមិនស្លៀកពាក់បានត្រឹមត្រូវអ្នកនឹងពិបាកក្នុងការផ្តោតអារម្មណ៍ពេញមួយថ្ងៃ។
វិធីមួយដែលល្អគឺស្លៀកពាក់ដូចថ្ងៃធ្វើការដែរ
ដើម្បីច្បាស់ថាអ្នកអាចប្តូរពីអារម្មណ៍ងងុយគេង ទៅជាអារម្មណ៍ធ្វើការងារវិញ។
ពេលខ្លះការផ្លាស់ប្តូរវាមានសារសំខាន់ក្នុងការធ្វើការងាររបស់អ្នកពេញមួយថ្ងៃ។
៦. កំណត់ពេលអោយបានច្បាស់លើការងារសំខាន់
វាពិបាកណាស់ក្នុងការផ្តោតអារម្មណ៍
ប្រសិនបើមានសំលេងរំខានពីទូរស័ព្ទដៃរបស់អ្នក Email និង Social media។
ដើម្បីជៀសវាងពីបញ្ហាទាំងអស់នេះ អ្នកត្រូវដាក់ម៉ោងដើម្បីឆែកមើល Email
ម៉ោងដែលត្រូវលេង Facebook។ លើសពីនេះទៅទៀត
អ្នកមិនត្រឹមតែអាចដាក់ម៉ោងប៉ុណ្ណោះទេ
អ្នកអាចកំណត់ចំនួនរយៈពេលដែលអ្នកត្រូវចំណាយលើវាបាន។ ឧទាហរណ៍ អ្នកអាចឆែកមើល
Email ១ម៉ោងនៅពេលព្រឹក ១៥នាទីនៅពេលថ្ងៃ និង១ម៉ោងទៀតនៅពេលល្ងាច។
ហើយវាដូចគ្នាដែរ ចំពោះការលេង Facebook ឫក៏ Twitter ។
ដកស្រង់ពី Entrepreneur
Comments
Post a Comment