ក្រុមហ៊ុន Apple ត្រូវបានគេរាយការណ៍ថាកំពុងតែធ្វើការកែច្នៃ Chip ថ្មី
ដែលត្រូវបានគេហៅថា Apple Neural Engine
វានឹងផ្តល់សម្ថភាពដ៏អស្ចារ្យសំបើមលើផ្នែក AI Processing
សំរាប់ការកែច្នៃ iPhone ជំនាន់ថ្មី។
Artificial Intelligence បានក្លាយទៅជាបច្ចេកវិទ្យាមួយសំរាប់ស្តង់ដានៃ
Smartphones នាពេលបច្ចុប្បន្ន
ដូចអ្នកបានឃើញស្រាប់នៅក្នុងទូរស័ព្ទដែលអ្នកបានទិញ ដូចជា Siri Amazon Alexa
និង Google Assistant ដែលសុទ្ធសឹងតែបំពាក់នូវបច្ចេកវិទ្យា AI
បើទោះជាយើងបានឃើញហើយក៏ដោយពីសមត្ថភាព AI របស់ទូរស័ព្ទ Smartphone
ប៉ុន្តែវាអាចមានការផ្លាស់ប្តូរកាន់តែខ្លាំងទៀតនៅក្នុងការចេញនូវជំនាន់ក្រោយរបស់
iPhone ដោយ Apple កំពុងតែផលិត Chip ថ្មីរបស់ពួកគេមានឈ្មោះថា Apple Neural
Engine។ Chip ថ្មីនេះនឹងនាំមកនូវសមត្ថភាព AI Processing
ដ៏អស្ចារ្យសំរាប់យើងទាំងអស់គ្នា។
សមត្ថភាពរបស់ AI ដែលប្រើនៅលើទូរស័ព្ទនៅមានកំរិតនៅឡើយ ដោយសារ Hardware។
នាពេលបច្ចុប្បន្ន សមត្ថភាពរបស់ AI Software គឺពឹងផ្អែកលើ Computer Server
ដូច្នេះដើម្បីអោយសមត្ថភាពរបស់វាខ្លាំង គឺដាច់ខាតត្រូវដំឡើងសមត្ថភាពរបស់
Hardware ដែរ។
Processor ប្រភេទថ្មីនេះនឹងជួយដល់សមត្ថភាព Machine Learning របស់ទូរស័ព្ទ
ដែលនឹងអនុញ្ញាតអោយ Developers បង្កើតនូវ Software
សំរាប់បញ្ហាស្មុគស្មាញកាន់តែច្រើនទៀត។
មានន័យថា
ទូរស័ព្ទនឹងផ្តល់ភាពងាយស្រួល ដល់ជីវភាពរស់នៅប្រចាំថ្ងៃរបស់មនុស្សកាន់តែខ្លាំង។
វានឹងអាចផ្តល់ជាសញ្ញានៅពេលមានការប្រែប្រួលសុខភាពរបស់យើង ក៏ដូចជាផ្តល់ការ
Update សំរាប់អ្នកដែលកើតជំងីវង្វេង ជំងឺទឹកនោមផ្អែម និង ជំងឺផ្សេងៗទៀត។
ដកស្រង់ពី Artificial Intelligence in Business
Comments
Post a Comment