អ្នកនឹងមិនក្លាយជាអ្នកមានទេបើអ្នកនៅតែធ្វើការឱ្យគេ ហើយគេនោះក៏និយាយដូចគ្នានេះដែរ។ មនុស្សជាច្រើនមានអារម្មណ៍ថាជីវិតដែលផ្សងព្រេងហើយមានភាពគ្រោះថ្នាក់ដើម្បីក្លាយជាសហគ្រិន គឺជាផ្លូវក្លាយទៅជាមហាសេដ្ឋី។ ចុះប្រសិនបើអ្នកចង់ក្លាយជាមហាសេដ្ឋីប៉ុន្តែអ្នកក៏ចង់បានសុវត្ថិភាពនៃការធ្វើការងារអោយគេដែរនោះ? វាពិតជាជម្រើសមួយដែលត្រូវពិចារណា។
១. ទទួលបានភាពជាដៃគូ
អ្នកគួរចាប់ផ្តើមរកមើលអាជីវកម្មខ្នាតតូច ឬអាជីវកម្មដែលជាកន្លែងដែលអ្នកគិតថាល្អដើម្បីក្លាយជាដៃគូអាជីវកម្មនៅទីនោះ។ ខណៈពេលដែលម្ចាស់អាជីវកម្មជាច្រើនជ្រើសរើសបង្កើតភាពជាដៃគូរ ឬលក់ផ្នែកជាម្ចាស់កម្មសិទ្ធិ។ ស្ថាបនិកក្នុងអាជីវកម្មខ្នាតតូចពិតជាអាចផ្លាស់ប្តូរជីវភាពរបស់ខ្លួននៅពេលក្រុមហ៊ុនរីកចម្រើន។ ប្រសិនបើអ្នកប្រឹងប្រែងធ្វើការ និងនាំយកជំនាញមួយចំនួនបង្ហាញពីសមត្ថភាពដឹកនាំរបស់អ្នកដើម្បីមានឱកាសបង្ហាញពីគំនិតចូលរួមក្នុងការដំណើរការជាមួយសហគ្រិនជាដៃគូរ នោះអ្នកនឹងអាចមានប្រាក់ចំណូលកាន់តែច្រើនក្នុងឆ្នាំបន្ទាប់ ឫអាចមាននាមជាមហាសេដ្ឋីក៏ថាបានដែរ។ វិធីនេះប្រាកដជានឹងមិនមកដល់ភ្លាមៗទេ ប្រសិនបើអ្នកគ្មានភាពក្លាហានដើម្បីក្លាយជាអ្នកដឹកនាំនៅក្នុងក្រុមហ៊ុន។
ដកស្រង់ពី Entrepreneur អត្ថបទ សេដ្ឋា
២. ជម្រើសភាគហ៊ុន
ជម្រើសភាគហ៊ុនជាធម្មតាត្រូវបានចរចារក្នុងកំឡុងពេលដំណើរការសំភាសន៍ការងារ។ ស្វែងរកក្រុមហ៊ុនដែលផ្តល់ជម្រើសជាភាគហ៊ុន ទោះជាប្រាក់ខែតិចបន្តិចមែន។ វិធីនេះមានការពេញនិយមយ៉ាងខ្លាំងនៅក្នុងតំបន់ Silicon Valley ។ បេក្ខជនដែលមានទេពកោសល្យចង់ដឹងថាតើពួកគេត្រូវការចំណាយពេលប៉ុណ្ណាទើបគេទទួលបានភាគហ៊ុននោះ មុនពេលពួកគេសំរេចចិត្តចុះហត្ថលេខាជាមួយក្រុមហ៊ុន។ អ្វីដែលជាកត្តាសំខាន់ដែលអ្នកត្រូវយល់ពីការពិតដ៏អាក្រក់នោះគឺជម្រើសភាគហ៊ុនកំរនឹងធ្វើអោយអ្នកក្លាយជាអ្នកមានណាស់ ពីព្រោះមិនមានការធានាណាមួយថាក្រុមហ៊ុននឹងត្រូវបានទិញដោយក្រុមហ៊ុនធំណាមួយឫយ៉ាងណានោះទេ។
៣. រស់នៅក្រោមកំរិតរបស់ខ្លួន
ការចំណាយតិចរបស់អ្នក នឹងធ្វើអោយអ្នកកាន់តែមានលុយច្រើនក្នុងធនាគារ។ អ្នកមិនអាចសន្សំប្រាក់បានទេប្រសិនបើអ្នកចំណាយប្រាក់ច្រើនពេក។ ទ្រឹស្តីនៅពីក្រោយការពិតរបស់មហាសេដ្ឋីគឺថាមនុស្សដែលមានទ្រព្យសម្បត្តិច្រើនរស់នៅក្រោមការកំរិតមួយរបស់ពួកគេ។ធ្វើរបៀបនេះអាចច្រើនឆ្នាំឬច្រើនទសវត្សនៃការរស់នៅក្នុងផ្ទះតូចមួយឬបើកបររថយន្តដែលគេប្រើហើយប៉ុន្តែវាមានតម្លៃរបស់វានៅពេលក្រោយ។ ក្នុងករណីខ្លះការសន្សំលុយពិតជាប្រសើរជាងការរកលុយបានច្រើន។
៤. វិនិយោគអោយឈ្លាសវៃ
ការស្វែងរកទីផ្សារភាគហ៊ុនអាចមានភាពលំបាក។ វាក៏ជាវិធីមួយដើម្បីបង្កើនប្រាក់ចំណូលរបស់អ្នកបានលឿនផងដែរ។ មនុស្សដែលមានគំនិតជាសហគ្រិនតែងតែប្រមើលមើលគំនិតអាជីវកម្មណាដែលល្អ រួចធ្វើការវិនិយោគប្រាក់ចូល។ ប្រសិនបើអ្នកមិនមានភាពយល់ដឹងអំពីផ្សារហ៊ុនច្បាស់លាស់ទេ សូមចំណាយពេលវេលាដ៏សំខាន់ក្នុងការស្វែងរកអ្នកជំនាញហិរញ្ញវត្ថុដែលអាចដឹកនាំអ្នកលើការវិនិយោគ អោយបានល្អដើម្បីសម្រេចគោលដៅរបស់អ្នក។ នៅពេលដែលអ្នកមានប្រាក់ចំណូលបន្ថែមហើយ អ្នកក៏អាចពិចារណាវិនិយោគលើអចលនទ្រព្យឬជួលអចលនទ្រព្យដើម្បីបង្កើនប្រាក់ចំណូលប្រចាំខែរបស់អ្នក។
៥. ទទួលមរតកអាជីវកម្ម
នៅពេលម្ចាស់អាជីវកម្មចូលនិវត្តន៍ឬបន្តទៅបណ្តាក់ទុនផ្សេងទៀត វាជាឧកាសរបស់អ្នក។ ប្រសិនបើម្ចាស់អាជីវកម្មរបស់អ្នកមិនទាន់ដល់អាយុចូលនិវត្តន៍ ចូររកមើលលទ្ធភាពដែលថាគាត់មានថ្ងៃណាមួយចង់ទុកដាក់ជំនួញមួយដោយឡែក ដើម្បីធ្វើការលើការបណ្តាក់ទុនផ្សេងទៀតឫអត់។ ប្រសិនបើអ្នកជានិយោជិកដែលគាត់ជឿទុកចិត្តនោះអ្នកនឹងទទួលបានការទទួលខុសត្រូវក្នុងការដឹកនាំក្រុមហ៊ុននេះដើម្បីឆ្ពោះទៅរកការរីកចម្រើន។
៦. ចាប់ផ្តើមអាជីវកម្មបណ្តើរៗ
ជាមួយនឹងបច្ចេកវិទ្យានាពេលបច្ចុប្បន្ននេះអ្នកមិនចាំបាច់វិនិយោគនៅក្នុងការិយាល័យផ្ទាល់ឫមានក្រុមការងារដើម្បីចាប់ផ្តើមអាជីវកម្មថ្មីនោះទេ។ រក្សាការងាររបស់អ្នកហើយក្លាយជាមហាសេដ្ឋី អាចមានន័យថា កសាងសម្ព័ន្ធភាពជាមួយអតិថិជនដើម្បីបង្កើតលំហូរប្រាក់ចំណូលយ៉ាងរឹងមាំដែលអាចអោយអ្នកចាកចេញពីតំណែងប្រាក់ខែរបស់អ្នកនៅថ្ងៃណាមួយ។ ត្រូវប្រាកដថាជំនួញរបស់អ្នកមិនមានទំនាស់ផលប្រយោជន៍ចំពោះការងារប្រចាំថ្ងៃរបស់អ្នកខណៈដែលអ្នកនៅពឹងលើវាដើម្បីទូទាត់វិក័យប័ត្ររបស់អ្នក។
ដកស្រង់ពី Entrepreneur អត្ថបទ សេដ្ឋា
Comments
Post a Comment