តើអ្នកធ្លាប់ឆ្ងល់ថាអាយុណាដែលជាអាយុសំខាន់? បើមិនចឹងទេសូមសួរឪពុកម្តាយរបស់អ្នក ហើយអ្នកភាគច្រើនប្រហែលជាទទួលបានចម្លើយនេះ "នៅពេលមនុស្សម្នាក់ឈានដល់ពេញវ័យ" ឫយើងអាចថាបានអាយុនៅជុំវិញ 20 ឆ្នាំ។
"នេះគឺជាកំហុសដ៏អាក្រក់បំផុតដែលមនុស្សធ្វើនៅក្នុងអាយុ 20 ឆ្នាំរបស់ពួកគេ"។ ឥឡូវអ្នកប្រាកដជាឆ្ងល់ពីមូលហេតុ។ ចម្លើយគឺសាមញ្ញណាស់ហើយក៏គួរអោយយល់ច្រឡំផងដែរ។ អាយុ 20
ឆ្នាំគឺសំខាន់ណាស់ដោយសារតែការសម្រេចចិត្តណាមួយ ដែលអ្នកនឹងធ្វើឬសកម្មភាពដែលអ្នកនឹងធ្វើ វានឹងផ្តល់ប្រយោជន៍ដល់អ្នកឬក្បត់អ្នកពេញមួយជីវិតនៅសល់របស់អ្នក។
ឧទាហរណ៍ប្រសិនបើលោក Mark Zuckerberg មិនបានចំណាយវ័យ 20 ឆ្នាំរបស់គាត់ក្នុងការអភិវឌ្ឍបណ្តាញសង្គមហ្វេសប៊ុកនោះទេគាត់នឹងមិនក្លាយជាមហាសេដ្ឋីមុនពេលឈានដល់ អាយុ 30 ឆ្នាំនោះទេ។
ឧទាហរណ៍ប្រសិនបើលោក Mark Zuckerberg មិនបានចំណាយវ័យ 20 ឆ្នាំរបស់គាត់ក្នុងការអភិវឌ្ឍបណ្តាញសង្គមហ្វេសប៊ុកនោះទេគាត់នឹងមិនក្លាយជាមហាសេដ្ឋីមុនពេលឈានដល់ អាយុ 30 ឆ្នាំនោះទេ។
ខាងក្រោមនេះគឺជាបញ្ជីកំហុសឆ្គងនិងអ្វីដែលអាចធ្វើបានដើម្បីចៀសវាងវា៖
១. មិនច្បាស់អំពីគោលដៅ
ស្ទើរតែគ្រប់គ្នាមានក្តីសុបិន្តនិងគោលដៅនៅក្នុងគំនិតរបស់ពួកគេ។ ប៉ុន្តែប្រសិនបើមានការសួរបញ្ជាក់បន្ថែមច្រើនទៀតអំពីរឿងនោះ ពួកគេភាគច្រើនមិនអាចឆ្លើយតបបានទេ។ ស្ថានភាពនៃការមិនអាចឆ្លើយតបបានបង្ហាញថាពួកគេនៅតែយល់ច្រឡំ និងមិនដឹងច្បាស់អំពីអ្វីដែលគាត់ចង់បាន។ដើម្បីកែតម្រូវកំហុសនេះមនុស្សម្នាក់ៗគួរតែស្វែងយល់ពីចំណង់ចំណូលចិត្តរបស់ខ្លួនហើយសួរខ្លួនឯងថាអ្វីដែលគាត់ចង់ធ្វើក្នុងជីវិត។
២. ការគ្រប់គ្រងពេលវេលាមិនបានល្អ
ពេលវេលាគឺជាធនធានដ៏មានតម្លៃមួយ។ ប៉ុន្ដែក៏ខ្ជះខ្ជាយផងដែរ។ យុវវ័យបច្ចុប្បន្នខ្ជះខ្ជាយពេលវេលាដ៏មានតម្លៃរបស់ពួកគេជាមួយបណ្តាញសង្គម ហើយនៅពេលដែលគាត់ដឹងថាបានខ្ជះខ្ជាយពេលវេលា ពួកគាត់នឹងខ្ជះខ្ជាយពេលវេលាម្តងទៀតដែលនៅសល់ក្នុងការគិតគូរនិងសោកស្តាយពីសកម្មភាពរបស់ខ្លួន។
៣. កង្វះសកម្មភាពខាងក្រៅ
ការរីកចម្រើននៅក្នុងស្មាតហ្វូនបានធ្វើឱ្យមនុស្សម្នានាំគ្នាលេងហ្គេមវីដេអូច្រើននៅពេលវេលាទំនេររបស់ពួកគេជាជាងលេងហ្គេមខាងក្រៅ។ វាគ្រោះថ្នាក់នៅពេលអ្នកអង្គុយច្រើនជាង 8 ម៉ោងដែលអាចបំផ្លាញសុខភាពរបស់អ្នកហើយធ្វើឱ្យអ្នកឆាប់មានជំងឺបេះដូង។ ដូច្នេះដើម្បីចៀសវាងបញ្ហាទាក់ទងនឹងសុខភាពបែបនេះយ៉ាងហោចណាស់ចំណាយពេល 20 នាទីក្នុងការហាត់ប្រាណ
៤. មិនបង្កើតទំលាប់អាន
មនុស្សម្នាក់អាចរៀនបានច្រើនដោយគ្រាន់តែអានសៀវភៅសូម្បីតែមានរយៈពេល 20 នាទីក៏ដោយ។ ការអានអាចជួយពង្រីកគំនិតដែលធ្វើឱ្យមនុស្សម្នាក់មានភាពច្នៃប្រឌិតជាងមុន។
៥. មិនអភិវឌ្ឍជំនាញថ្មី
អាយុ 20
ឆ្នាំគឺជាអាយុដ៏ល្អបំផុតក្នុងការអភិវឌ្ឍជំនាញណាមួយពីព្រោះលទ្ធិភាពរក្សាបានយូរហើយជំនាញថ្មីដែលបានរៀនចូលទៅក្នុងខួរក្បាលចងចាំបានរយៈពេលវែង។
៦. ផ្តោតលើកិច្ចការរបស់អ្នកផ្សេងជាងខ្លួន
មូលហេតុចម្បងមួយក្នុងចំណោមមូលហេតុចម្បងដែលបណ្តាលអោយមានការកើនឡើងនៃជំងឺធ្លាក់ទឹកចិត្តក្នុងចំណោមយុវជន គឺប្រៀបធៀបជីវិតរបស់ខ្លួនជាមួយអ្នកដទៃ។ នៅពេលមនុស្សម្នាក់ប្រៀបធៀបជីវិតរបស់ពួកគេទៅនឹងជីវិតរបស់អ្នកដទៃពួកគេឃើញខ្លួនឯងស្ថិតក្នុងស្ថានភាពតិចតួចនិងមានការច្រណែន។ដូច្នេះសូមឈប់សំលឹងមើលពត៌មានផ្សេងទៀតនៅលើបណ្តាញសង្គម ចូរឈប់ឧបករណ៍អេឡិចត្រូនិចរបស់អ្នកហើយផ្ដោតលើខ្លួនឯង។
៧. ការប្រញាប់ប្រញាល់ខ្លាំងពេក
អាយុដែលពេញវ័យ គឺមានភាពរឹងមាំតាមរបៀបមួយដែលមនុស្សម្នាក់មានអារម្មណ៍ថាមានថាមពលរស់រវើកហើយមានបំណងចង់បង្ហាញខ្លាំង។ ប៉ុន្តែនៅពេលដែលពួកគេមិនអាចសម្រេចគោលដៅដែលពួកគេចង់បាននោះពួកគេនឹងមានការព្រួយបារម្ភ។ ដូច្នេះយើងត្រូវស្ងប់ស្ងាត់ហើយឆ្លុះបញ្ចាំងពីសកម្មភាពរបស់ខ្លួន។ សមាធិ គឺជាមធ្យោបាយល្អបំផុតដើម្បីធ្វើអោយចិត្តរបស់អ្នកស្ងប់ស្ងាត់និងមានភាពអត់ធ្មត់។
៨. កំណត់គោលដៅមិនសមហេតុផល, កំណត់រយៈពេលវេលាខ្លីពេក
ការកំណត់គោលដៅ គឺល្អព្រោះវាផ្តល់គោលដៅសំរាប់អ្នកក្នុងការដើរ។ ប៉ុន្តែមិនត្រូវកំណត់គោលដៅខ្ពស់ដែលលើសពីសក្តានុពលរបស់អ្នកឡើយ។ ដូច្នេះប្រសិនបើអ្នកចង់បានគោលដៅធំ ៗ ចូរចាប់ផ្តើមបង្កើតគោលដៅតូចៗដែលសមស្របនឹងជំនាញរបស់អ្នកដើម្បីសម្រេចបាន។
៩. មិនប្រើឱកាស
នេះគឺជាកំហុសដ៏អាក្រក់បំផុតដែលមនុស្សម្នាក់ធ្វើ។ ប្រសិនបើអ្នកមិនប្រើឱកាសដែលអាចធ្វើឱ្យជីវិតរបស់អ្នកប្រសើរឡើងនោះវាជាការបាត់បង់ដ៏ធំមួយ។ ខណៈពេលដែលឱកាសបានបើកច្រកទ្វារសម្រាប់ការរៀនបទពិសោធន៍ថ្មី និងផ្តល់នូវវេទិកាមួយដើម្បីបង្កើនជំនាញរបស់អ្នក។ ដូច្នេះប្រសិនបើមានឱកាសណាមក ចូរទទួលយកវាព្រោះវាមិនតែងតែមកគោះទ្វាររបស់អ្នក។
ដកស្រង់ពី bornrealist អត្ថបទ សេដ្ឋា
Comments
Post a Comment