គំនិតផ្លែកៗល្អៗទាំង ៩ ក្នុងការស្វែងរកប្រាក់ចំនូលបន្ថែម

ប្រាក់គឺ មានសារសំខាន់។ មនុស្សម្មាក់ៗដឹងពីរឿងនេះ ដូច្នេះហើយទើបមនុស្សជាច្រើននាំគ្នាទៅធ្វើការរាល់ថ្ងៃ។ ប៉ុន្តែវានៅតែមិនគ្រប់គ្រាន់មែនទេ? វានៅតែមានរបស់រឺកន្លែងដែលយើងចង់ទិញ និងទៅ ប៉ុន្តែយើងមិនអាចធ្វើបាន ដោយសារមិនមានប្រាក់គ្រប់គ្រាន់។ ចុុះប្រសិនបើមានវិធីដែលអាច ធ្វើអោយយើងរកចំណូលបានច្រើនជាងនេះបន្ថែម? វាពិតជាល្អមែនទេ?

ប្រាក់ចំណូលបន្ថែម រឺក៏ Passive Income គឺជាប្រាក់ ដែលទទួលបាន ជាប្រចាំ ដោយមិនចាំបាច់យើងចំណាយពេលច្រើនលើវា។ ប៉ុន្តែវាដូចជាកុហកពេកហើយ ដែលមិនចំណាយពេលវេលាបែរជាបានផល។ ការពិត គឺអ្នកត្រូវចំណាយកំលាំងជាច្រើនលើវា នៅពេលចាប់ផ្តើម ប៉ុន្តែទទួលបានផលពីវាជាប្រចាំនៅពេលក្រោយ។ ពេលខ្លះអ្នកត្រូវចំណាយពេល ដល់ទៅរាប់ឆ្នាំដើម្បីទទួលបានប្រាក់ចំណូលបន្ថែមនេះ ប៉ុន្តែលទ្ធផល ពេលក្រោយគឺអស្ចារ្យ ដោយអ្នកគ្រាន់តែមើលថែវាប៉ុណ្ណោះអ្នកនឹង ទទួលផលប្រយោជន៍មកវិញជាប្រចាំ។

ខាងក្រោមជាគំនិតខ្លីៗខ្លះក្នុងការរកប្រាក់ចំណូលបន្ថែម

Affiliate and Referral Marketing

គំនិតមួយនេះតំរូវអោយអ្នកដើរតួជាអ្នកទីផ្សារក្នុងការលក់ផលិតផលអោយក្រុមហ៊ុនណាមួយ ដែលមិនមែនជារបស់អ្នក។ អ្នកនឹងទទួលបានកំរៃ នៅពេលដែលមានការលក់ឆ្លងកាត់តាមរយៈអ្នក។

Amazon Associates Affiliate គឺជាកម្មវិធីទីផ្សារមួយដ៏ល្អសំរាប់អ្នក ក្នុងការស្វែងរកប្រាក់ចំណូលបន្ថែមរបៀបនេះ។ វាតំរូវអោយអ្នកបង្កើត Website មួយដែលដាក់លក់ នូវផលិតផលរបស់ Amazon ហើយនៅពេលដែលមានអ្នកទិញផលិតផលតាមរយៈ Website របស់អ្នក នោះអ្នកនឹងទទួលបានកំរៃពី Amazon ។

លក់សៀវភៅ eBook រឺ audioBook

អ្នកអាចសរសេរ រឺថតជាសំលេង រួចហើយបោះពុម្ពជា eBook រឺ audioBook ទៅតាមចំនង់ចំនូលចិត្ត និងជំនាញរបស់អ្នក ដូចជា គន្លឹះក្នុងការធ្វើជំនួញ ដំបូន្មានការងារ គន្លឹះបច្ចេកវិទ្យា -ល។

បន្ទាប់ពីអ្នកបោះពុម្ពអ្នកអាចដាក់លក់វានៅ Amazon’ Kindle Direct Publishing រឺក៏ iTunes ជាដើម។

បង្កើតវគ្គសិក្សា Online

ការសិក្សា Online មានប្រជាប្រិយភាពយ៉ាងខ្លាំងនាពេលបច្ចុប្បន្ន ជាមួយនឹងការផ្តល់អោយដ៏ប្រសើរ ពីសំណាក់ Platform មួយចំនួនដូចជា Coursera, Lynda, និង Udemy។ ប្រសិនបើអ្នកមានជំនាញដូចជា ការបង្កើតគេហទំព័រ ការថតរូប រឺក៏ជំនាញទីផ្សារ អ្នកអាចបង្កើតជាមេរៀន ហើយដាក់លក់លើ Platform ទាំងនោះ។ អ្នកនឹងទទួលបានប្រាក់ចំណូល នៅពេលដែលមានសិស្សចុះឈ្មោះចូលរៀនវគ្គសិក្សារបស់អ្នក។

លក់រូបភាព និងការរចនា

អ្នកអាចលក់ការរចនានៅលើ Etsy, Zazzle និង The Souled Store ដែលអនុញ្ញាតអោយ មនុស្សជាច្រើនធ្វើការដាក់ ការរចនារបស់អ្នកលើអាវយឺត សំបកទូរសព្ទ ផ្ទាំងផ្សាយពាណិជ្ជកម្ម គំរបសៀវភៅ -ល។ ពេលដែលពួកគេយកការរចនារបស់អ្នក អ្នកនឹងទទួលបានកំរៃ។ ដូចគ្នាទៅនឹងការរចនាដែរ អ្នកអាចដាក់លក់រូបភាពដែលអ្នកថតទៅលើ Website មួយចំនួនដើម្បីលក់ដូចជា Shutterstock, Alamy និង iStockPhoto។

បង្កើត Website

ការបង្កើត Website នៅតែជាវិធីមួយដ៏មានឥទ្ធិពលក្នុងការរកប្រាក់ចំណូលបន្ថែមដដែល។ ដោយសារតែការកើនឡើងដ៏ខ្លាំងក្លារបស់ Internet អ្នកអាចទាក់ទាញមនុស្សអោយមកចូលទស្សនា Website របស់អ្នកបានតាមរយៈ ការផ្សព្វផ្សាយ នៅលើបណ្តាញសង្គម។ នៅពេលដែល Website របស់អ្នកទទួលបានការចូលទស្សនាច្រើន ពេលនោះអ្នកអាច ប្រើ Google AdSense ដើម្បីរកប្រាក់ចំណូលបន្ថែមតាមរយៈការផ្សព្វផ្សាយពាណិជ្ជកម្មលើ Website របស់អ្នក។

បង្កើត App

ការបង្កើត App នៅលើ Smartphone រឺ Tablet តំរូវអោយអ្នកមានជំនាញក្នុងការធ្វើវា ប៉ុន្តែវានឹងផ្តល់ប្រយោជន៍អោយអ្នកវិញបានយ៉ាងអស្ចារ្យ។ វាមិនមែនភាពស្មុគស្មាញឡើយ អ្នកអាចបង្កើតវាដើម្បីដោះស្រាយបញ្ហាណាមួយ រឺក៏របស់កម្សាន្ត ដើម្បីទាក់ទាញអ្នកប្រើប្រាស់។ អ្នកណាទៅដឹងថា App របស់អ្នកអាចល្បីល្បាញនោះ ឧទាហរណ៍ដូចជា App Flappy Bird ដែលល្បីល្បាញរហូតអាចរកប្រាក់បានដល់ ៥០,០០០ ដុល្លាក្នុងមួយថ្ងៃ តាមរយៈ App advertising។

បង្កើតប៉ុស្ត៍នៅលើ YouTube

មានមនុស្សជាច្រើនក្លាយជាសេដ្ឋីដោយគ្រាន់តែបង្កើត Channel នៅលើ YouTube។ អ្នកត្រូវស្វែងរកគំនិតដ៏ប្លែកខុសពីគេសំរាប់ Video របស់អ្នកដើម្បីទាក់ទាញអ្នកទស្សនា។ នៅពេលដែលមានអ្នកទស្សនា Video និង Subscribe ក្នុងប៉ុស្ត៍របស់អ្នកច្រើន នោះប្រាក់ចំណូលបន្ថែមរបស់អ្នកនឹងចាប់ផ្តើមមានឡើង។

បណ្តាក់ទុនដែលមានហានិភ័យទាប

វិធីមួយនេះត្រូវការពេល និង បា្រក់ដើមទុនប៉ុន្តែវាសាកសមនឹងធ្វើណាស់។ អ្នកអាចទិញ Stock របស់ក្រុមហ៊ុនធំៗដើម្បីទទួលបានប្រាក់ចំនេញ។

ដាក់ជួលអចលនទ្រព្យរបស់អ្នក

ប្រសិនបើអ្នកមានផ្ទះ ផ្ទះល្វែង រឺក៏កន្លែងការងារសំរាប់ជួល នោះវាជាប្រភពដ៏ល្អបំផុតសំរាប់ប្រាក់ចំណូលបន្ថែម។ Airbnb បានធ្វើអោយដំណើរការក្នុងការជួលអចនលទ្រព្យកាន់តែមានភាពងាយស្រួល ដល់ម្ចាស់និងអ្នកជួល។ ប្រសិនបើអ្នកមិនចូលចិត្តគំរូប្រភេទនេះ NestAway អាចជួយអ្នកបានក្នុងការស្វែងរកអ្នកជួលដោយមិនឆ្លងកាត់អ្នកជើងសារ។

ដកស្រង់ពី yourstory.com

Business & Technology Tip Talk

Search This Blog