នៅឆ្នាំ ២០១០ ក្រុមហ៊ុន IBM បានធ្វើការស្ទង់មតិលើ CEO ចំនួន ១,៥០០នាក់មកពី ៦០ប្រទេសទូទាំងពិភពលោក ហើយបានរកឃើញថាកត្តាទី ១ ដែលប្រើសំរាប់ការប្រមើលមើលភាពជោគជ័យនាពេលអនាគត គឺ ភាពច្នៃប្រឌិត។ ភាពច្នៃប្រឌិត ធ្វើអោយ CEO សាុំជាមួយនឹងបំរែបំរួលទីផ្សារ បង្កើតនូវការអនុវត្តថ្មី ដើម្បីជោគជ័យក្នុងវិស័យរបស់ខ្លួន។
គន្លឹៈក្នុងការក្លាយជា CEO ដ៏មានភាពច្នៃប្រឌិតមិនស្ថិតនៅលើការប្រើប្រាស់ពេលវេលាក្នុង ១ថ្ងៃនោះទេ ប៉ុន្តែស្ថិតនៅលើការបង្កើតជាទំលាប់ជុំវិញជំនាញច្នៃប្រឌិតរបស់ពួកគេ។
ក្នុងនាមជា CEO ម្នាក់អ្នកក៏ត្រូវអនុវត្តទំលាប់ជុំវិញជំនាញច្នៃប្រឌិតរបស់អ្នកដែរ ដូច្នេះអ្នកមិនចំនាយពេលច្រើនដើម្បីគិតពីវា។ ខាងក្រោមជាអនុសាសន៍ទាំង ៥ ដើម្បីជួយអ្នកអោយចាប់ផ្តើមបាន៖
១. បង្កើតទំលាប់ពេលព្រឹក
លោក Steve Jobs មានទំលាប់ពេលព្រឹកអាចជួយអ្នកបង្កើតការជោគជ័យក្នុងមួយថ្ងៃបាន។ ឥទ្ធិពលនៅពីក្រោយទំលាប់ពេលព្រឹកគឺ ឆន្ទៈ។ ពេលអ្នកភ្ញាក់ពីដំណេកភ្លាម កំរិតនៃឆន្ទៈគឺ នៅកំពូល ដែលអាចអនុញ្ញាតអោយអ្នក ផ្តោតទៅលើភារកិច្ចសំខាន់ជាងគេបានក្នុងថ្ងៃនេះ។ ប៉ុន្តែពេលថ្ងៃកាន់តែដើរ គឺវានឹងរសាយបន្តិចម្តងៗ។
ទំលាប់ពេលព្រឹកក៏អាចជួយអ្នកបង្កើតនូវរចនាសម្ព័ន្ធ ជុំវិញការងារច្នៃប្រឌិតរបស់អ្នក។ ជំនួសដោយការរង់ចាំឧបសគ្គទាំងឡាយ អ្នកបង្កើតទំលាប់ដែលអាចអោយខួរក្បាលរបស់អ្នកត្រៀមជាស្រេចដើម្បីធ្វើការងារ ក្នុងពេលដ៏ត្រឹមត្រូវមួយ។
២. ការស្រមើស្រមៃ
ការស្រមើស្រមៃ ជួយសំអាតខួរក្បាលរបស់អ្នកពីទំនួលខុសត្រូវប្រចាំថ្ងៃ និងជំរុញថាមពលរបស់អ្នកបន្តអោយកាន់តែមានភាពច្នៃប្រឌិត។តាមរយៈការស្វែងយល់ពីសម្មតិកម្មដែលអាចធ្វើបានតាមរយៈការស្រមើស្រមៃ អ្នកទទួលបានការចិញ្ចឹមបីបាច់ និង បង្កើតថាមពលច្នៃប្រឌិតរបស់អ្នក។
៣. សមាធិ
ខួរក្បាលរបស់អ្នកស្ថិតក្នុងសមរភូមិដ៏ទៀងទាត់មួយក្នុងការយកចិត្តទុកដាក់ចំពោះព័ត៌មានថ្មី ដែលបង្ខំអ្នកឱ្យធ្វើកិច្ចការច្រើនយ៉ាងប្រញាប់ ហើយផ្ដោតតែលើអ្វីដែលអ្នកត្រូវធ្វើប៉ុណ្ណោះ។
អត្ថប្រយោជន៍នៃការធ្វើសមាធិត្រូវបានគេស្គាល់តាំងពីយូរមកហើយ។ ថ្វីបើប្រសិទ្ធភាពខ្ពស់ក៏ដោយ ការធ្វើសមាធិមិនចាំបាច់ចំណាយពេលលើសពី 20 នាទីក្នុងមួយថ្ងៃទេ។ អ្នកក៏អាចធ្វើសមាធិនៅពេលណាដែលអ្នកចង់បាន មិនថាវាជាពេលដែលអ្នកកំពុងញ៉ាំ ឆ្លើយអ៊ីមែល ឬនៅចន្លោះការប្រជុំនោះទេ។
ចាប់ផ្តើមដោយអង្គុយនៅលើកៅអីដៃដាក់លើភ្លៅនិងខ្នងរបស់អ្នកត្រង់។ បន្ទាប់មកបិទភ្នែកនិងចាប់ផ្តើមដកដង្ហើម។ ផ្តោតលើការគិត និងរាងកាយរបស់អ្នក។ដឹងអំពីអ្វីគ្រប់យ៉ាងដែលកើតឡើងតាមរយៈគំនិតរបស់អ្នក ហើយទុកអោយវាឆ្លងកាត់។កុំខឹងប្រសិនបើអ្នកមានអារម្មណ៍រំខាន។
គ្រាន់តែត្រលប់ទៅស្ថានភាពដើម ហើយចាប់ផ្តើមឡើងវិញ។បន្ទាប់ពី 20 នាទី អ្នកនឹងមានអារម្មណ៍ថាវ័យក្មេងឡើងវិញ។
៤. ការធ្វើលំហាត់ប្រាណ
វាត្រូវបានស្គាល់ ដោយមនុស្សដែលមានភាពច្នៃប្រឌិតជាច្រើនថា យើងអាចដោះស្រាយអ្វីៗបានទាំងអស់តាមវិធីនេះ ដែលជាមធ្យោបាយដ៏ល្អបំផុតដើម្បីបង្កើនការស្រមើលស្រមៃនិងភាពច្នៃប្រឌិត ជាជាងការអង្គុយនៅពីមុខកុំព្យូទ័ររហូត។ការធ្វើលំហាត់ប្រាណជាទៀងទាត់អាចជាទម្លាប់មិនគួរឱ្យជឿដែលអាចជំរុញគំនិតច្នៃប្រឌិតថ្មី។
ការធ្វើលំហាត់ប្រាណមានប្រសិទ្ធភាពខ្លាំងក្លានិងមានឥទ្ធិពលលើខួរក្បាលរបស់អ្នក។អត្ថប្រយោជន៍នៃការធ្វើលំហាត់ប្រាណមិនត្រឹមតែទាក់ទងទៅនឹងភាពច្នៃប្រឌិតនោះទេ ប៉ុន្តែ លំហាត់ប្រាណក៏អាចជួយប្រឆាំងនឹងជំងឺធ្លាក់ទឹកចិត្ត, ការបាត់បង់ការចងចាំ, ជម្ងឺវង្វេង -ល។
៥. ផ្តល់ឱ្យខ្លួនឯងនូវការសម្រាកខ្លះ
គំនិតដែលគិតថានាយកប្រតិបត្តិត្រូវតែខិតខំប្រឹងប្រែង ធ្វើការក្នុងរយៈពេលយូរ អាចជាសញ្ញានៃភាពក្លាហាន និងក្រមសីលធម៌ការងារសម្រាប់មនុស្សភាគច្រើន ហើយជាអ្វីដែលសង្គមរបស់យើងអោយតម្លៃខ្ពស់។ ប៉ុន្តែវិទ្យាសាស្រ្តមិនគាំទ្រគំនិតនេះទេ។
អ្នកត្រូវអោយខ្លួនប្រាណរបស់អ្នកសំរាកអោយបានគ្រប់គ្រាន់។ អ្វីដែលអាចនាំយើងឱ្យមានអារម្មណ៍ល្អ មានដូចជាការងូតទឹក ការច្រៀង ឬស្តាប់តន្រ្តី អាចបង្កើនឱកាសនៃការមានគំនិតដ៏អស្ចារ្យ។
ដកស្រង់ពី Entrepreneur
Comments
Post a Comment