ជំហានក្នុងការណែនាំអោយចេះបង្កើត Mobile App របស់អ្នកជាលើកដំបូង

ហេតុអ្វីបានជាអ្នកចង់បង្កើត Mobile App? តើអ្នកចង់បង្កើតវា ដោយសារឃើញអ្នកជំនួញដ៍ទៃទៀតធ្វើវា? រឺក៏អ្នកបង្កើតវាដើម្បីដោះស្រាយបញ្ហាអ្វីមួយ? ចំលើយដែលអ្នកឆ្លើយនឹងសំនួរខាងលើ នឹងបញ្ជាក់ពីភាពជោគជ័យរបស់ App របស់អ្នក។

នេះជាជំហានក្នុងការបង្កើត App ប៉ុន្តែអ្នកត្រូវចាំថាវាមិនអាចត្រូវចំពោះមនុស្សគ្រប់គ្នានោះទេ

Step 1: Get an idea or a problem (ត្រូវមានគំនិត ឫមានបញ្ហា)

ប្រសិនបើអ្នកមានគំនិតឫបញ្ហាហើយ សូមបន្តទៅជំហានទី ២។ ប្រសិនបើអ្នកចង់បង្កើត App ប៉ុន្តែគ្មានគំនិតបង្កើត? អ្វីដែលអ្នកត្រូវការនោះគឺ បញ្ហា ហើយវានៅគ្រប់ទីកន្លែង។

អ្នកជំនួញជោគជ័យដោះស្រាយបញ្ហានៅក្នុងផ្លូវមួយដែលពួកយើងនឹកស្មានមិនដល់។ នៅពេលដែលអ្នកសំលឹងមើលជុំវិញខ្លួនអ្នក ផលិតផលនិងសេវាកម្មសុទ្ធសឹងតែបង្កើតមកដើម្បីដោះស្រាយបញ្ហា។ អ្នកចង់ផ្លាស់ទីពីកន្លែងមួយទៅកន្លែងមួយទៀតបានលឿន អ្នកត្រូវការឡាន។ អ្នកចង់ផ្លាស់ទីពីប្រទេសមួយទៅប្រទេសមួយទៀតបានលឿន អ្នកត្រូវការយន្តហោះ។

ដូច្នេះចូររកបញ្ហានៅក្នុងជីវភាពរស់នៅប្រចាំថ្ងៃរបស់អ្នក ហើយសរសេរវាចេញ។ នៅពេលដែលអ្នកមានប្រភពនៃបញ្ហាច្រើនហើយ អ្នកត្រូវគិតថាតើអ្នកអាចដោះស្រាយវាយ៉ាងដូចម្តេចហើយសង្ខេបយកតែមួយណាដែលសមស្របនឹងធ្វើបាន។

Step 2: Identify the need (កំណត់ពីតំរូវការ)

ការវិនិច្ច័យនឹងបញ្ជាក់ពីតំរូវការរបស់ App អ្នក។ អ្នកអាចធ្វើការវិនិច្ច័យលើគំនិតរបស់អ្នកដោយប្រើប្រាស់ Google Keyword Planner ដើម្បីរកពីចំនួនមនុស្សដែលរកអ្វីដែលអ្នកចង់ធ្វើនោះ។ អ្នកក៏អាចបង្កើតនូវ Landing Page មួយដើម្បីសង្ខេបគំនិតរបស់អ្នក ហើយស្វែងរកការចាប់អារម្មណ៍ពី User តាមរយៈ Email Signup

Step 3: Lay out the flow and features (ដាក់ចេញនូវលំនាំ និង លក្ខណៈពិសេស)

ការវិនិច្ច័យគំនិតរបស់អ្នក គឺអ្នកទទួលបាននូវរបស់ដែលមនុស្សចង់បានដើម្បីប្រើប្រាស់។ ដូច្នេះវាដល់ពេលដែលអ្នកត្រូវលំអិតពី Product របស់អ្នកដាក់ក្នុងឯកសារមួយអោយបានត្រឹមត្រូវ។

នៅពេលដែលចាប់ផ្តើមសរសេរគំនិតរបស់អ្នកដាក់ក្នុងឯកសារ ត្រូវចាំថាអ្នកត្រូវលំអិតវាតាមដែលអាចធ្វើទៅបាន។ រួមបញ្ចូលទាំងលំនាំក្នុងការប្រើប្រាស់របស់ User នៅក្នុង App របស់អ្នក ក៏ដូចជាលក្ខណៈពិសេសដែល User នឹងមើលឃើញ។ វានឹងជួយដល់ Developer យល់ពីតំរូវការរបស់អ្នក។

Step 4: Remove none-core features (លុបលក្ខណៈពិសេសដែលមិនមែនជាស្នូលសំខាន់)

ចាប់ផ្តើមមើលអោយបានច្បាស់ពីលក្ខណៈពិសេស ដែលអ្នកបានសរសេរចូលក្នុងឯកសាររបស់អ្នក ថាតើមានលក្ខណៈណាមួយដែលយើងអាចលុបចោលបាន។ ត្រូវផ្តល់អោយអ្នកប្រើប្រាស់នូវអ្វីដែលជាតំលៃស្នូលរបស់គំនិត App របស់អ្នក ដោយកុំដាក់លក្ខណៈរបស់ App ណាដែលល្អតែមើល ហើយចាំ Update តាមក្រោយអោយសោះ។ បើអ្នកធ្វើដូច្នេះ អ្នកនឹងកាត់បន្ថយចំនាយក្នុងការបង្កើត App ដំណាក់កាលដំបូងបាន ហើយនឹងជួយអ្នកអោយបានទីផ្សារកាន់តែលឿន។

Step 5: Put design first (ដាក់ការរចនាអោយបានមុន)

មានអ្នកជំនួញជាច្រើនចង់បង្កើត App អោយបានសិនជាមួយនឹងការរចនាសាមញ្ញៗ។ ពួកគេពិតជាខុសដែលគិតដូច្នោះ ព្រោះថាការរចនាមិនមែនសំដៅលើតែសំបកខាងក្រៅប៉ុណ្ណោះទេ តែក៏សំដៅលើ តើអ្នកប្រើប្រាស់មានភាពងាយស្រួលក្នុងការប្រើ App របស់អ្នកដល់កំរិតណា។

Step 6: Hire a designer/developer (ជ្រើសរើសអ្នករចនា និងអ្នកបង្កើត App)

ស្វែងរកក្រុមហ៊ុនដែលមានអ្នកពូកែខាងរចនា និងក្រុមដែលពូកែបង្កើត App។ ក្នុងការរើសយក Developer អ្នកគួរតែត្រួតពិនិត្យលើកេរ្ត៍ឈ្មោះ និងApp ដែលពួកគាត់ធ្លាប់បង្កើតហើយ។ អ្នកអាចជ្រើសរើសយកគាត់បាន ប្រសិនបើអ្នកយល់ឃើញថា App ដែលគាត់បង្កើតកន្លងមកវាពិតជាត្រូវចិត្តរបស់អ្នក។

Step 7: Create developer accounts (បង្កើតគណនី Developers)

អ្នកត្រូវចុះឈ្មោះបង្កើតគណនី Developer សំរាប់ App Store នីមួយៗដើម្បីលក់ App របស់អ្នកនៅលើ Platform ទាំងអស់នោះ។ គណនី Play store របស់ Google តំរូវអោយអ្នកបង់ ២៥ដុល្លាតែម្តងគត់នៅពេលបង្កើត ចំនែកឯ App Store គឺ ៩៩ដុល្លាក្នុង ១ឆ្នាំ។ អ្នកអាចចុះឈ្មោះជាលក្ខណៈឯកជន ឫក្រុមហ៊ុនទៅតាមតំរូវការរបស់អ្នក។

Step 8: Integrate analytic (ដាក់បញ្ចូលការវិភាគ)

ការវិភាគជួយអ្នក អោយដឹងអំពី ចំនួន Download ការចូលរួមពី User និងការហាមឃាត់ របស់ App អ្នក។ ចាំបាច់ត្រូវប្រាកដអ្នកប្រើប្រាស់ Tools ដូចជា Flurry ដែលមិនគិតថ្លៃ ហើយនិង Localytics ដែលមានទាំងមិនគិតថ្លៃហើយនិងគិតថ្លៃ។

Step 9: Get feedback quickly and improvise (ទទួលបានមតិយោបល់លឿន ហើយត្រូវធ្វើអោយប្រសើរឡើង)

នៅពេលដែល App របស់អ្នកដាក់បញ្ចូលជាស្ថាពរនៅក្នុង App Store ស្ថិតិក្នុងការប្រើប្រាស់ និងលក្ខណៈក្នុងការប្រើប្រាស់របស់ ក្រុម User ដំបូងនឹងធ្វើអោយអ្នកដឹងថាតើអ្នកត្រូវធ្វើការកែប្រែ និងផ្លាស់ប្តូរដូចម្តេចអោយ App របស់អ្នកកាន់តែប្រសើរឡើង។ មតិយោបល់របស់អ្នកប្រើប្រាស់ គឺមានសារសំខាន់ណាស់ក្នុងការអភិវឌ្ឃន៍ App របស់អ្នកអោយកាន់តែល្អថែមទៀត។

Step 10: Introduce feature (ណែនាំពីលក្ខណៈពិសេសផ្សេងទៀត)

អ្នកបង្កើតជំនាន់ដំបូងរបស់ App តែលក្ខណៈពិសេសដែលជាស្នូលសំខាន់តែប៉ុណ្ណោះ ដូច្នេះវាដល់ពេលដែលអ្នកត្រូវណែនាំពីលក្ខណៈផ្សេងទៀតដែលនៅសល់។

ការណែនាំខាងលើនេះមិនមានអ្វីជាពិសេសគួរអោយកត់សំគាល់មែន ប៉ុន្តែវាជាក្បួនមួយក្នុងការបង្កើត App ដែលមានឥទ្ធិពលបំផុត។ ការបង្កើត App ជារឿងងាយស្រួលប៉ុន្តែការទាក់ទាញអ្នកប្រើប្រាស់ជាអ្វីដែលយើងត្រូវប្រឈមមុខ។

ដកស្រង់ពី Entrepreneur

Business & Technology Tip Talk

Search This Blog